When Love Making...

මට හම්බුනා පට්ට කවි ටිකක්. ඔයාලටත් බලන්න දාන්න හිතුව. එහෙනම් බලන්නකො

මුහුණ පුරා දැළි රැවුලක් ආවා
නාඹර විය මට ඉඟි බිඟි පෑවා
මල්වර විය දුටු කෙල්ලන් ගාවා
අමුතු ම පෙම් මල් සුවදක් ආවා

කෙල්ලක් පස්සේ මම ලුහු බඳිමි
ඇය එනතුරු මහ මඟ පැල් රකිමී
ඇයට ඇහෙන්නට බොරුයට කහිමී
තව එක සිගරට් උගුරක් අදිමී

ඔබ මගෙ පෙම් කඳ, රන් කඳ, පොල් කඳ
මාසේ පෝයට පායන පුන් සඳ
ආ බව ඇත්තයි පොල් කඩමින් ඉඳ
නාලයි ආවේ දැන් නැහැ ගස් ගඳ

තණ කොළ බිස්සේ - ලිය ගොමු අස්සේ
පතෝල මැස්සේ - ඉඳලයි බැස්සේ
තෙමි තෙමි වැස්සේ - පෙම් කළ රිස්සේ
නිකම්ම ගැස්සේ - බැන්දට පස්සේ

පෙම් රැඟුමට ඉඩ නැති කල එළියේ
සිනමා හලකට රිංගමු ජොලියේ
හිටියත් පැය ගණනක් බැල්කනියේ
නමවත් නොදනිමි චිත්තරපටියේ

කට්ලට්, ඔම්ලට්, ෂර්බට්, මස්කට්
දෙන්නද ඩාලිං කැඩ්බරි චොකලට්
මම වෙමි රෝමියෝ - ඔබ මගෙ ජුලියට්
වයි නොට් යූ ට්‍රයි වන් මෝ බිස්කට්

එනු මගෙ සුන්දර සූකිරි බෝලේ
අපි දෙන්නට දැන් සිකුරගෙ කාලේ
දාගත්තට පසු පොල් කටු මාලේ
ගයමු - රඟමු අපි ගහමින් ඩෝලේ

කවදද සුදු ඔබ අයෙ මෙහෙ එන්නේ
කෙලෙසද ඔබ නැති කල මම ඉන්නේ
බඳිමුද ඇහුවම ඇයි නිල් වෙන්නේ
කුමටද මගුලට කම්මැලි වන්නේ

අහසේ රන්තරු ගලවා දෙන්නම්
මුහුදේ මිණි-මුතු ඇරගෙන දෙන්නම්
සසර වසන තුරු ඔබම පතන්නම්
බඳිමුද ඇහුවොත් පැනල දුවන්නම්

දැක්කම විංකින් - නැතුවම තිංකිං
පෙම් සයුරේ අපි යටට ම සිංකිං
වෙන් ලව් මේකිං නෝ මෝ ජෝකිං
විල් යූ මැරි මී අයෙ බණ ටෝකං

මේ අයි කිස් යූ විල් යූ නොට් ගිව්
ඩූ නොට් සේ දැට් යූ ඩූ නොට් ලව්
ඉෆ් යූ සේ සෝ අයි ෂැල් ඩයි නව්
ඕ මයි ඩාලිං හව් කැන් අයි ලිව්

උපුටා ගැනීම - චන්ද්‍ර අනගිරත්තගේ නරලොව හොල්මන් කෘතියෙනි


තව තියෙනව. පස්සෙ දාන්නම්.

එහෙනම් බායි කිව්ව